होमेन्द्र थापा (बर्दिया)
बर्दिया जिल्लाका किसानहरु ब्यबसायिक बेसार खेति तर्फ आकर्षित हुन थालेका छन् । जंगली जनावरहरु अन्यबाली भन्दा कम नोक्सान हुने भएकोले र बजार माग बढदै गएकोले किसानहरु बेसार खेति तर्फ अकर्षित हुन थालेका हुन् ।
बर्दिया राष्ट्रिय निकुञ्जको मध्ववर्ती क्षेत्र तथा सामुदायिक बन नजिक भएका बस्तीका किसानहरुले यसको खेतीतर्फ आकर्षित भएका छन् । सामुदायिक वनको परिधिमा तथा वन्यजन्तुले क्षति पु¥याउने क्षेत्रहरूमा किसानहरूले बेसार खेती गर्न थालेका एकीकृत कृषि तथा पशुपंक्षी विकास कार्यालय बर्दियाका प्रमुख सागर ढकालले बताउनु भएको छ । प्रमुख ढकालका अनुसार बर्दियामा हाल १ सय ४ विगाहा क्षेत्रफलमा व्यावसायिक रूपमा बेसार खेती गरिएको छ ।
बर्दियामा उत्पादित बेसारको खरिद बिक्री तथा प्रशोधन सुनौलो महिला विकास बहुउद्देश्यीय सहकारीले गर्दै आएको छ । सहकारीले उत्पादन गरेको बेसार २०८० सालको अन्तराष्ट्रिय प्रदर्शनीमा उत्कृष्ट गुणस्तरका आधारमा प्रथम स्थान प्राप्त गर्न सफल भएको उक्त संस्थाकी अध्यक्ष इन्दिरा सुबिदेले बताउनु भयो । अध्यक्ष सुवेदीले जैविक (अर्गानिक) बेसारको माग लगातार बढिरहेको बताउनु भएको छ ।
मधुवन नगरपालिका वडा नम्बर १ कैलासीका व्यवसायिक किसान नयाँराम सुनारले पाँच वर्षदेखि बेसार खेती गर्दै आउनु भएको छ । बर्दिया राष्ट्रिय निकुञ्ज र सामुदायिक वनहरूको प्रभाव क्षेत्र भएकाले अन्य अन्नबाली जंगली जनावरले नष्ट गर्ने समस्या रहेको हुँदा तुलनात्मक रूपमा बेसार खेती फाइदाजनक रहेको उहाँको भनाई छ ।
बेसार एक बहुपयोगी जडीबुटी हो । तरकारीमा मसलाको रूपमा प्रयोग हुने शुद्ध बेसार औषधिजन्य गुणले भरिपूर्णको बिज्ञहरुको भनाई छ । सिंचाइको अभाव रहेको तथा जंगली जनावरको जोखिम भएका क्षेत्रमा पनि बेसार खेतीलाई उपयुक्त मानिन्छ । बेसार खेतिबाट किसानहरूलाई आर्थिक रूपमा आयआर्जन गरी जिविकोपार्जन गर्न समेत सहज हुन्छ ।
