उपप्रधानमन्त्री तथा गृहमन्त्री नारायणकाजी श्रेष्ठले नक्कली भुटानी शरणार्थी प्रकरणका विषयमा सरकार कुनै पनि दबाबमा पछि नहट्ने बताएका छन् ।
मंगलबार राज्य व्यवस्था तथा सुशासन समितिको बैठकमा गृहमनत्री श्रेष्ठले नक्कली भुटानी शरणार्थी प्रकरणका विषयमा सरकार कसैको दबाबमा पछि नहट्ने बताएका हुन् । उनले यो प्रकरणमा नेपाल प्रहरीलाई कसैको पनि दबाबमा नपरी काम गर्न निर्देशन दिइएको भन्दै अहिले प्रहरीले निष्पक्ष रूपमा काम गरिरहेको बताए ।
उनले भ्रष्टाचारका अन्य प्रकरणको पनि अनुसन्धान हुने बताए । उनले अनुसन्धानका आधारमा विभिन्न व्यक्तिहरूलाई नियन्त्रणमा लिने र अनुसन्धानले पुष्टि गरेपछि कानुनी दायरामा ल्याउने सरकारको काम भएको बताए ।
गृहमन्त्ती श्रेष्ठले अनुसन्धानले पुर्याउने बाटोसम्म सरकार पुगेर दोषीलाई कारबाही गर्ने प्रतिबद्धता जनाए
