बारबर्दिया,
बारबर्दिया नगरपालिकामा २१ औँ राष्ट्रिय महिला सामुदायिक स्वास्थ्य स्वयमसेविका दिवस हजिरी प्रतितयोगीता तथा उत्कृष्ट सेवा प्रदान गर्ने स्वयमसेविकाहरुलाई नगद सहित सम्मान गरी मनाईएको छ । बारबर्दिया नगरपालिका स्वास्थ्य शाखाको आयोजनामा बारबर्दिया नगरअस्पतालमा बारबर्दियाका ११ वटै वडाका महिला स्वास्थ्य स्वयमसेविकाहरुको सहभागितामा कार्यक्रम भएको हो ।
कार्यक्रममा बारबर्दिया नगरपालिकाकी नगरउपप्रमुख रत्नकुमारी पाण्डेले महिला स्वास्थ्य स्वयमसेविकाहरुको कामको उच्च प्रशंसा गर्दै, सेवा सुविधाको बिषयमा आफुहरु चिन्तित रहेको बताउनु भएको छ । महिला स्वास्थ्य स्वयमसेविकाहरुको सल्लाह बमोजिम कोष स्थापना गरेको र उहाँहरुको अवकास भएकोबेलामा केही आर्थिक सहयोग दिने ब्यबस्था गरेको जानकारी गराउनु भएको छ । पालिकाले महिला स्वास्थ्य स्वयमसेविकाहरुको योजना र एकरुपताका साथ काम गर्न तयार रहेको बताउनु भएको छ ।
कार्यक्रममा बारबर्दिया नगरपालिका स्वास्थ्य शाखा प्रमुख गोबिन्द पौडेलले महिला स्वास्थ्य स्वयमसेविकनहरुको सहजता र सेवाको लागि पालिका सकारात्मक रहेको बताउनु भएको छ । महिला स्वास्थ्य स्वयमसेविका दिवसको कार्यक्रमलाई अर्थपुर्ण बनाउनका लागि हाजिरीजवाफ प्रतियोगिताको कार्यक्रम गरेको र उहाँहरुले आफ्नो उत्कृष्ट क्षमता प्रस्तुत गरेको बताउनु भएको छ । १ देखि ११ सम्मकै सबै वडाका महिला स्वास्थ्य स्वयमसेविकाले राम्रो गरेर पनि प्रथम, दृतीय, तृतीय छुट्याउनु परेको बताउनु भएको छ ।
महिला स्वास्थ्य स्वयमसेविकाहरुले आफ्नो मेहनतअनुसारको सरकारले सेवा सुविधा हुनु पर्ने बताउनु भएको छ । महिला स्वास्थ्य स्वयमसेविकाहरुको मेहनअनुसार पालिकाले मुल्याँकन गरीदिन माग गर्नु भएको छ ।
प्रतियोगितामा प्रथम, दृतीय, तृतीय र सान्त्वनालाई नगद सहित सम्मान पत्र प्रदान गरिएको छ । कार्यक्रममा बारबर्दिया नगरपालिकाका नगरउपप्रमुख, प्रमुख प्रशासकीय अधिकृत दिपककुमार आर्चाय, नगर अस्पतालका अध्यक्ष तिर्थराज पौडेल, स्वास्थ्य चौकी। आधारभूत स्वास्थ्य केन्द्रका प्रमुखलगाएको सहभागिता रहेको थियो ।
