नेपाली कांग्रेसका प्रवक्ता डा. प्रकाशशरण महतले पार्टी सभापति शेरबहादुर देउवाले नक्कली भुटानी शरणार्थी प्रकरणको अनुसन्धानमा सघाइरहेको बताएका छन् ।
मंगलबार काठमाडौंमा पत्रकारहरूसँग कुराकानी गर्दै अर्थमन्त्रीसमेत रहेका प्रवक्ता महतले शरणार्थी प्रकरणको निष्पक्ष अनुसन्धानका लागि सभापति देउवाले सघाइरहेको बताएका हुन् ।
शरणार्थी प्रकरणमा सभापति देउवा किन मौन भन्ने प्रश्नको जवाफमा महतले भने, 'पहिलेदेखि नै उहाँ (देउवा) को धेरै बोल्ने बानी छैन । निष्पक्ष अनुसन्धानमा सघाइरहनुभएको छ ।'
प्रवक्ता महतले नक्कली शरणार्थी प्रकरणमा दोषी प्रमाणित भए कानुनअनुसार कारबाही हुने बताए । नक्कली शरणार्थी प्रकरणकै कारण सत्ता समीकरण फेरबदल हुने महतले बताए ।
