मोरङ । कोशी प्रदेशका मुख्यमन्त्री हिक्मतकुमार कार्कीले दुई मन्त्री र दुई राज्यमन्त्री थप गरि मन्त्रिपरिषद् विस्तार गर्नु भएको छ । मुख्यमन्त्री कार्कीले सोलुखुम्वुका बुद्धिकुमार राजभण्डारी र मोरङका लीलाबल्लभ अधिकारीलाई मन्त्री तथा सुनसरीका रामप्रसाद मेहता र धनकुटाका निरन राईलाई राज्यमन्त्रीमा नियुक्त गर्नु भएको हो ।
जसमा राजभण्डारीले खानेपानी, ऊर्जा तथा सिँचाइमन्त्रीको जिम्मेवारी पाउनु भएको छ भने अधिकारीले आन्तरिक मामिला तथा कानुनमन्त्रीको जिम्मेवारी पाउनु भएको छ । यसैगरि मेहताले उद्योग, भूमिव्यवस्था तथा कृषि राज्यमन्त्री र राईले आर्थिक मामिला तथा योजना राज्यमन्त्रीको जिम्मेवारी पाउनु भएको छ ।
संविधानको धारा १६८ (३) अनुसार बनेको नेकपा एमालेको अल्पमतको सरकारले आगामी असोज २० सम्म बिश्वासको मत लिइसक्नु पर्नेहुन्छ । सरकारले विश्वासको मत पाउने नपाउने टुंगो नभएको अवस्थामा मुख्यमन्त्री कार्कीले मन्त्रिपरिषद् भने विस्तार गर्नु भएको छ । यसअघि एमालेबाट मुख्यमन्त्री कार्कीसहित, तिलकुमार मेन्याङ्बो, पिके राई, एकराज कार्की र सिर्जना राई मन्त्री भइसक्नु भएको छ ।
