इटहरी । इटहरीस्थित विराटनगर—इटहरी सडकखण्डमा मोटरसाइकल दुर्घटना हुँदा २ जनाको ज्यान गएको छ । इटहरी १२ खनारस्थित ट्रान्सपोर्ट नजिकै दुईवटा मोटरसाइकल एकापसमा ठक्कर खाइ दुर्घटना हुँदा सुनसरीको देवानगञ्ज ५ घर भइ दुहबी ८ बस्ने २३ वर्षीय पवन कुमार साह र विराटनगर १ बस्ने १९ वर्षीय अजित थापाको ज्यान गएको हो ।
गम्भीर घाइते भएका उनीहरूको उपचारको क्रममा मृत्यु भएको इलाका प्रहरी कार्यालय इटहरीले जनाएको छ । दुर्घटनामा घाइते भएका विराटनगर २ का सुशान्त दाहालको विराट नर्सिङ होममा उपचार भइरहेको छ ।
विराटनगरबाट इटहरी आउँदै गरेको प्रदेश १०२–०४६ प १९६७ र इटहरीबाट जाँदै गरेको प्रदेश १–०२–०४६ प ७२५८ नम्बरको मोटरसाइकल एकापसमा ठक्कर खाएको प्रहरीले जनाएको छ । एकआपसमा ठक्कर खाइ अनियन्त्रित भएको मोटरसाइकल स १ ख ८१६ नम्बरको बससँग पनि ठोक्किएको बताइएको छ । घटनाबारे थप अनुसन्धान भइरहेको प्रहरीले जनाएको छ ।
