इटहरी । चिकित्सक संघ इटहरीले चिकित्सकमाथि आक्रमणको विरोधमा आज इटहरीमा प्रदर्शन गरेको छ । इटहरी क्षेत्रमा क्रियाशील स्वास्थ्यकर्मीहरुको सहभागितामा इटहरी चोकमा व्यानरसहित उनीहरुले प्रदर्शन गरेका हुन् । उनीहरुले आफुहरुमाथि आक्रमणका घटना बढ्दै गएको भन्दै सुरक्षाको प्रत्याभूति गर्न सरकारसँग माग गरेका छन् ।
व्यानर र प्ले कार्डसहित प्रदर्शनमा उत्रिएका स्वास्थ्यकर्मीहरुले विभिन्न नाराहरु लगाउँदै आफुहरु माथिको आक्रमण तत्काल बन्द गरिनु पर्ने माग गरेका छन् । उनीहरुले कुटपीटमा संलग्नहरुलाई कडा कारवाहीको समेत माग गरेका छन् ।
चिकित्सक संघ इटहरीका अध्यक्ष डा. कृष्ण नेपालले देशका विभिन्न स्थानमा चिकित्सक र स्वास्थ्यकर्मीमाथि भइरहेको दुव्र्यवहार र आक्रमणको विरोधमा विभिन्न ठाउँमा प्रदर्शन गरेका जनकारी दिनुभयो ।
पछिल्लो समय चिकित्सकहरुमाथि आक्रमणका घटना बढ्न थालेपछि उनीहरुले राजधानी काठमाडौं लागयत देशका विभिन्न ठाउँमा आन्दोलनका कार्यक्रम जारी राखेका छन् ।
