मधुवन, बर्दिया। बर्दियाको मधुवन नगरपालिका–७, प्रगतिबजारस्थित ताराताल साना किसान कृषि सहकारी संस्था लिमिटेडले प्रधानमन्त्री दैवी प्रकोप राहत कोषमा रु. ३ लाख १ हजार १ सय ११ सहयोग रकम प्रदान गरेको छ।
प्राकृतिक विपत्तिबाट प्रभावित नागरिकको राहत तथा उद्धार कार्यमा सहयोग पुगोस् भन्ने उद्देश्यले संस्थाले उक्त रकम राहत कोषमा जम्मा गरेको जनाएको छ।
संस्थाले विपद्का बेला प्रभावित नागरिकप्रति ऐक्यबद्धता जनाउँदै सामाजिक उत्तरदायित्वअन्तर्गत सहयोग गरेको जनाएको हो। सहयोग रकमले प्राकृतिक विपत्तिबाट प्रभावित नागरिकको राहत तथा उद्धार कार्यमा केही योगदान पुग्ने अपेक्षा गरिएको छ।
मानवीय सेवाको भावनासहित राहत कोषमा सहयोग गरेकोमा ताराताल साना किसान कृषि सहकारी संस्था लिमिटेडप्रति धन्यवाद तथा प्रशंसा व्यक्त गरिएको छ।
