मोरङ । लेटाङमा सम्पन्न दोस्रो मेयर कप फुटबल प्रतियोगिताको उपाधि वडा नम्बर ३ ले जितेको छ । शुक्रबार भएको फाइनल खेलमा वडा नम्बर ४ लाई २ ० ले पराजित गर्दै लेटाङ ३ ले उपाधि हात पारेको हो । वडा नम्बर ३ लाई उपाधि दिलाउन सुमन लिम्बू र ध्रुव विकले १ १ गोल गरे ।
उपाधि विजेता वडा नम्बर ३ ले ट्रफिसहित नगद १ लाख ३५ हजार र उपविजेता वडा नम्बर ४ ले ६५ हजार पुरस्कारसहित ट्रफि पाएका छन् । फाइनल खेलको प्लेयर अफ द फाइनल ध्रुव विक घोषित भए । वडा नम्बर ४ दोश्रो सेमीफाइनल खेलमा वडा नम्बर २ लाई पराजित गर्दै फाइनलमा पुगेको हो भने वडा नम्बर ३ ले सेमीफाइनलमा वडा नम्बर ६ लाई पराजित गर्दै फाइनलमा पुगेको थियो ।
असार १३ गतेबाट लेटाङ ३ कमलपुरस्थित जुद्ध बहादुर स्मृति खेलमैदानमा सञ्चालित सुरु भएको प्रतियोगितामा लेटाङ नगरपालिकाका ९ वटा टीमबीच प्रतिस्पर्धा भएको थियो । विजेता तथा उपविजेता टीमलाई नगर प्रमुख भूपेन्द्र कुमार लावती र उपप्रमुख कृष्ण कुमारी निरौलाले ट्रफि प्रदान गर्नुभयो ।
